Декември, 18/31, 1963. Свети Симеон Верхутски
Драг брате во Христа, Глеб,
Повеќето твои идеи ми изгедаат во ред. Единствено, треба да се стават во правилен редослед. Имајќи практичен ум (покрај тоа што сум мечтател), јас го предлагам следново, како конкретен (иако само приближен) план на дејствување:
- Воведна брошура – каталог, на кого што работам сега; да се испечатикако фото-офсет, или да ја замолиме Матушка Аријадна. (Помисли на нејзината печатница? Можеби би можело да ги добиеме нашите брошури, и дури и малечок билтен, испечатен на овој начин. Можеби би можеле да се договориме со неа, и поголемиот дел од работата со печатењето да си го завршиме сами).
- Отворање продавница. Засега, најдобро е да најдеме малечка продавница. Би можеме да ги разгледаме заедно оние што ги најдов, некоја сабота. Што се однесува на книгите, оваа недела почнав да добивам по $40 неделно, како социјална помош, така да, за неколку месеци, барем половината од нив ќе можам да ги потрошам за книги, без оглед дали работам или не. Ова ќе биде почеток. Што се однесува на маси и шкафови за книги, можеби ѓаконот о. Николај може да ни помогне – мислам ти спомна дека има пари. Од Џорданвил, ќе ни треба цел список на книги (вклучувајќи ги и учебните – мислам неколку души од Богословските курсеви ќе сакаат). До тогаш, јас и Џон ќе им напишеме на издавачите за да дознаеме за попустите на книгите на англиски јазик. Мислам, дека можеш веднаш да почнеш да ги нарачуваш книгите од Џорданвил, можеби, секоја нарачка по едно пакетче, за да не стигнат сите наеднаш. Навистина, ако успееш веднаш да нарачаш некои книги, потребни за курсот по Богословие, веројатно би можел да продадам голем дел од нив на часовите. Ќе ставам во писмово список од оние книги, кои можеш да ми ги испратиш директно мене, ако ги има. (Се надевам, ќе испратат и листа, за и тие, и ние точно да знаеме какви книги имаме и колку; во секој случај, јас ќе водам сопствен список. Уште едно прашање: колку време се согласуваат да чекаат за исплата на книгите?)
- Нешто како билтен на англиски јазик, најпрвин во скромен вид и да се испраќа по поштенски индекс. Но, тоа може да се планира дури откако продавничката ќе се отвори и ќе почне да цвета (!).
- Посериозни планови за печатење на брошури и книги и на руски и на англиски јазик – над тоа, исто така може да се размислува подоцна. Ракописите што ги спомна – добри се, единствениот проблем – е авторот. Ништо не смее да се зборува за „Протоколите“, и мислам, дека би било поразумно да се објави ракописот (ако дојде до тоа!) анонимно или под псевдоним. Не знам како е кај русите, но меѓу луѓето од англиското говорно подрачје, името „Сергеј Нилус“[1] кога ќе препознаат, веднаш ги асоцира со името на Хитлер, и затоа, да не ги ни спомнуваме масоните, последиците од печатењето на ракопис под негово име може да бидат катастрофални. Како и да е, со тој проект ќе треба, во краен случај, малку да почекаме.
Јас имам неколку прашање околу суштината на нашата организација. Имено: што е тоа Братство во Православната Црква? Се претпоставува ли, дека тоа е некаква монашка општина? Со какви цели се создаваат православните братства, под чие раководство, кои се барањата кон нивните членови? Треба ли да се има за покровител некој канонизиран светител? Како што гледаш, кога е потребно, можам да бидам многу практичен. Сега, за тоа има голема причина, бидејќи и самиот план (како што мислам) е сосема практичен, и дојде времето (сега или никогаш) да ги претвориме магловитите соништа во конкретни дела.
Денес е спомен на праведниот Симеон, Верхотурски чудотворец. Вчера вечерта, во манастирот се отслужи празнична служба со акатист (беше и владиката Јован). Но, за жал, имаше многу малку луѓе (пет или десет). Немаат потреба од мисионери само американците!
Утре планирав да одам по печурки, но за жал, вечерва морам да работам (во хотелот Марк Хопкинс, си замислувам како сите ќе се опијат), така што, ќе мора тоа да го одложам до сабота. Прочитав неколку книги за печурки и сфатив, дека на тие места има уште неколку вида на печурки, кои слободно може да се јадат и да се разликуваат.
Извести не за твоите нови идеи. Моли се за мене.
Во Христа,
Евгениј.
p.s. Џон ќе напише за неколку дена.
[1] Публикувач на „Протоколи на сионските мудреци“ (Париз, 1938).
Превод: Златко Дивјаковски
Извор: Герман и Серафим Платинские
