На 27.03.2015 г, митрополитот Преспанско-Пелагониски г. Петар отслужи Мало Повечерие со Акатист кон Пресвета Богородица во црквата „Св. Богородица“ во Битола, на која го освети петтолебието, кое многубројниот народ го принесе во чест на св. Теодор Тирон.

Животот наш е духовна воена служба – борба: со кого? – со невидливите духови на злобата. Кој ги подигнува тие напади? – непријателите на нашиот живот – бесовите, обидувајќи се да ни ги одземат венците од подвизите за трпение, кои би можеле да ги примиме, примајќи ги маките, навредите, понижувањата, прекорувањата, презреноста и останатото, и да го омекнеме преку нив нашето жестоко срце, истребувајќи ги страстите: самољубието, славољубието, сластољубието и среброљубието, од кои и сите други страсти ја земаат својата сила и дејствуваат. (Преп. Макариј Оптински)